У Адрынках ушанавалі памяць святога Антонія
15 верасня Царква ўспамінае святога Антонія. Гэта адзін з нябесных заступнікаў адзінага ў Польшчы праваслаўнага скіта ў гонар святых Антонія і Феадосія Кіева-Пячэрскі.
Знаходзіцца ён у вёсцы Адрынкі, што на Падляшшы. Жыве тут адзін манах – архімандрыт Гаўрыіл. На свята ў скіт прыбыла некалькі соцень вернікаў. Багаслужбу праводзіў Мітрапаліт Варшаўскі і ўсёй Польшчы Сава.
Вернікі:
– Мы і ў малітве, і думкамі сваімі пераносімся ў пячоры Кіеўскай абіцелі.
– Слава Богу, што хоць перад смерцю я прыйшла сюды. Так лёгка на сэрцы стала, як я пабыла тут!
– Я прыязджаю сюды, бо гэта мой дарагі анёл-ахоўнік. Гэта незвычайны святар, ён дапамагае людзям, нам Бог паслаў з неба анёла!
На свяце прысутнічала дэлегацыя чэшскай Царквы, якая ўзнагародзіла архімандрыта Гаўрыіла медалём святых Кірыла і Мяфодзія.
Скіт ва ўрочышчы Кудак над ракой Нарвай заснаваў менавіта архімандрыт Гаўрыіл. Першую багаслужбу правёў тут у чэрвені 2009. У гэтай ваколіцы ў гадах 1574-1824 дзейнічаў праваслаўны манастыр.
[Not a valid template]
Давід Гайко, Беларускае Радыё Рацыя
Фота аўтара
Глядзіце таксама
