Сустрэча з Алесем Бяляцкім у Беластоку
Алесь Бяляцкі сустрэўся з супрацоўнікамі рэдакцыі Тыднёвіка беларусаў у Польшчы “Ніва”.
* * *
27 траўня ў Беластоку з візітам пабывае грамадскі дзеяч і праваабаронца Алесь Бяляцкі.
У межах візіту Алеся Бяляцкага адбудуцца дзве сустрэчы:
– 12:00 (сустрэча для СМІ), у рэдакцыі Тыднёвіка беларусаў у Польшчы “Ніва” – вуліца Заменгофа 27.
– 18:00 (сустрэча для ўсіх зацікаўленых), у будынку Беларускага Радыё Рацыя – вуліца Цёпла 1/7.
Алесь Бяляцкі з’яўляецца кіраўніком праваабарончага цэнтра “Вясна”. За дзейнасць накіраваную на абарону правоў чалавека і дэмакратызацыю выбарчых працэсаў неаднаразова трапляў за краты. Быў зняволены ад жніўня 2011 да чэрвеня 2014 года.
Алесь Бяляцкі з 2007 года з’яўляецца віцэ-прэзідэнтам Міжнароднай федэрацыі правоў чалавека, а таксама сябрам Саюза беларускіх пісьменнікаў і аўтарам кніг: “Прабежкі па беразе Жэнеўскага возера”, “Літаратура і нацыя”, “Асьвечаныя беларушчынай”, “Халоднае крыло радзімы”.
За сваю праваабарончую дзейнасць узнагароджаны:
– прэміяй Свабоды імя Андрэя Сахарава ад Хельсінкскага камітэта, 2006 год,
– прэміяй Homo Homini ад арганізацыі People in Need, 2006 год,
– прэміяй Вацлава Гавела ад Парламенцкай асамблеі Рады Еўропы, 2013 год.
Беларускае Радыё Рацыя
Тыднёвік Беларусаў у Польшчы “Ніва”
Фота facebook.com
