У Беластоку гаварылі пра беларускамоўны стэндап
У Беластоку прайшлі чарговыя заняткі курсаў «Мова на нова». Гэтым разам акрамя практычнай часткі заняткаў артыстка Кацярына Ваданосава распавяла цікавосткі з біяграфіі Янкі Купалы.
А стэндапер Павел Радзевіч распавёў пра беларускамоўны стэндап і пра тое, як жартаваць па-беларуску.
– Стэндап па-беларуску можа быць, мы яго робім. Аб’яднанне “Пан-стэндап” – беларускія комікі, каторыя ў Варшаве, у Беластоку. Робім канцэрты ў Польшчы ды іншых краінах. На ютуб-каналу “Пан-стэндап” можна глядзець камедыю па-беларуску.
– Я спрабую сваімі жартамі як мінімум паказваць, што можна жартаваць на розныя тэмы, якія датычацца і ІТ-сферы, і жанчын, і наркотыкаў, і алкаголю. То-бок усяго, што беларуская мова не толькі пра лапці і пра саху, а пра ўсё, што вас акружае.
Заняткі курсаў «Мова на нова» праходзяць у Беластоку ўжо больш года на рэгулярнай аснове. Раз на два тыдні, па панядзелках у беларускім хабе «Новая зямля».
Цалкам матэрыял слухайце ў далучаным файле:
Юрась Дзяшук, Беларускае Радыё Рацыя
