У Беластоку пачалася Летняя школа польскай мовы і культуры “POLLANDO”
У Беластоку пачалася Летняя школа польскай мовы і культуры “POLLANDO” для студэнтаў з краінаў Усходняй Еўропы.
Удзельнікі школы будуць удасканальваць польскую мову. наведаюць тэатр, галерэі ды оперу.
На працягу трох тыдняў студэнты будуць удзельнічаць у разнастайных занятках, наведаюць Супрасль ды Тыкоцін. У курсе ўдзельнічае 45 чалавек з Украіны, Балгарыі, Грузіі, Малдовы ды Вугоршчыны.
На фота: палац Браніцкіх у Беластоку
Найбольшую колькасць студэнтаў прыехала з Гарадзенскага ўніверсітэта – 20 чалавек.
Гавораць удзельнікі школы:
– Мы не ўсе з Гародні. Я, напрыклад, з Бабруйску. Гэта Магілёўская вобласць – вельмі далёка.
– Усяго польскага я шмат сустракаў у сваім жыцці. Бацькі дапамаглі пайсці на польскую філалогію.
– Я па бацьку – паляк. І размаўлялі ў сям’і па польску.
– Ёсць цікавасць да моваў, у тым ліку – да польскай мовы. У Гароді па-польску шмат хто гаворыць. Хацелася больш паглыблена вывучаць.
– Тут група паланістаў – з Малдовы, з Азербайджану ёсць, з Грузіі.
Гаворыць Эльжбэта Аўрамюк:
– Будзем вывучаць польскую мову, будзем знаёміцца з польскай культурай, будзем чытаць творы польскіх пісьменнікаў, пойдзем у оперу, сустрэнемся з пісьменнікамі.
Удзельнікі Летняй школы маюць у планах 90 гадзінаў майстар класаў польскай мовы. Студэнты сустрэнуцца таксама з вядомым беларускім пісьменнікам Міхалам Андросюком.
Курсы польскай мовы арганізуе ўжо трэці год Універсітэт у Беластоку.
Лукаш Леанюк, Беларускае Радыё Рацыя
Глядзіце таксама
