У Беластоку пакажуць спектакль “Бежанцы”
Гэты спектакль пакажуць толькі два разы – 29 і 30 жніўня. У Беластоцкім драматычным тэатры рыхтуецца прэм’ера “Bieżeńcy. Exodus”. Дзея спектакля адбываецца ў цягніку, які едзе па маршруце Саколы-Лапы.
Гэта не рэканструкцыя падзеяў 1915 году, калі жыхары Падляшша былі вымушаныя падацца ў бежанства у глыб царскай Расеі, а мастацкае пераасэнсаванне тэмы – кажа дырэктарка тэатра і рэжысёрка спектакля Агнешка Карыткоўская-Мазур:
– Самай складанай была каардынацыя ўсіх складнікаў гэтага спектаклю. Таксама трэба ўлічваць, што па тэме бежанства вельмі мала інфармацыі.
Праект ажыццёўлены са сродкаў Міністэрства культуры Польшчы і Управы Падляшскага ваяводства, і каштаваў каля 200 тысяч злотых. Ён створаны ў рамках адзначэння ста-годдзя драматычных падзей бежанства.
Улад Грынеўскі, Беларускае Радыё Рацыя
Фота wrotapodlasia.pl
Глядзіце таксама
