У Беластоку пройдзе ІІ Марш роўнасці
ІІ Марш роўнасці пройдзе вуліцамі Беластоку ў бліжэйшую суботу. Арганізатары чакаюць, што ў ім прыме ўдзел некалькі сотняў чалавек не толькі з Падляшскага рэгіёну. „Ідэя сёлетняга маршу ў Беластоку – гарантаваць бяспеку людзям з рознай сэксуальнай арыентаванасцю”, – кажа Якуб Пжыбыш з „Вясёлкавага Беластока„.
ІІ Марш роўнасці ў Беластоку стартуе ўжо ў бліжэйшую суботу ў 14 гадзінаў на Рынку Касцюшкі. З прычынаў бяспекі арганізатары пакуль не раскрываюць падрабязнасці маршруту.
Нагадаем, што першы Марш роўнасці прайшоў праз Беласток 2 гады таму. Крайне правыя групоўкі атакавалі тады ўдзельнікаў маршу, шмат хто з удзельнікаў атрымаў траўмы.
Беларускае Радыё Рацыя
Фота: poranny.pl
