У Беластоку адбылася акцыя салідарнасці з Анджэем Пачобутам (абноўлена)
На плошчы каля помніка Ежы Папялушку ў Беластоку адбылася акцыя салідарнасці з Анджэем Пачобутам. Журналіст і дзяяч быў арыштаваны 25 сакавіка 2021 года і знаходзіцца за кратамі ўжо 31 месяц. Кажуць удзельнікі акцыі, якія прайшла пад праліўным дажджом:
– Мы павінны выходзіць пакуль нашыя людзі сядзяць там і адбываюць такія вялікія тэрміны за нішто.
– Беларусь блізкая нашаму сэрцу, таму так моцна баліць. Цяжка быць палякам у Беларусі, шанаваць польскую культуру, польскую літаратуру, польскую мову.
– Дождж ідзе тут, але гэта нішто ў параўнанні з тым, што людзі адчуваюць там. Нават калі нікога не будзе тут, я буду выходзіць усё роўна адзін.
– На акцыю салідарнасці трэці год мы збіраемся тут, не зважаючы на надвор’е, на поры году, на дождж, на снег, на мароз. І будзем збірацца далей. Нагадваць пра Анджэя Пачобута, Дзяніса Івашына, Юлію Юргілевіч, Паўла Мажэйку, Мікалая Статкевіча.
– Яны там за кратамі ведаюць, што мы тут збіраемся.
– Гэта значыць, што нам не ўсё роўна тое, што робіцца зараз на Беларусі, пра бяспраўе, і тое, што людзі пакутуюць.
На акцыі прысутнічалі як прадстаўнікі беларускай дыяспары, так і палякі – жыхары горада. Агулам было каля 20 чалавек. Рэгулярныя акцыі ў знак салідарнасці з палітявязнямі ў Беларусі будуць працягвацца ў Беластоку і надалей.
Цалкам матэрыял:
***
З увагі на праліўны дождж акцыя завершана. Але прысутныя падкрэсліваюць, што важна не працягласць, але рэгулярнасць нагадвання ўсяму свету і рэжыму Лукашэнкі пра палітзняволеных і Анджэя Пачобута. У любое надвор’е важна выходзіць, бо на волі і дождж у радасць, а палітзняволеныя ў Беларусі знаходзяцца незаконна ў самых жорсткіх умовах, як закладнікі рэжыму.
На акцыі прысутнічалі як прадстаўнікі беларускай дыяспары, так і палякі – жыхары горада. Агулам было каля 20 чалавек.
На плошчы каля помніка Ежы Папялушку ў Беластоку распачалася акцыя салідарнасці з Анджэем Пачобутам.
8 лютага 2023 года журналіст і актывіст Саюза палякаў Беларусі быў асуджаны лукашэнкаўскім судом на 8 гадоў калоніі ўзмоцненага рэжыму за «распальванне варожасці» і «рэабілітацыю нацызму», а таксама « з заклікам да ўвядзення санкцый». Пачобут быў арыштаваны 25 сакавіка 2021 года і знаходзіцца за кратамі ўжо 31 месяц.
Слова бяруць прадстаўнікі Саюз палякаў Беларусі і Падляшскага аддзелу Таварыства «Wspólnota Polska».
Беларускае Радыё Рацыя
