У Беластоку распланавалі заняткі дзяцей на вакацыях
Майстар-класы для маладых папераплётчыкаў, дзіцячыя спектаклі, спартовыя турніры і выставы старых самалётаў і лодак. Гэта толькі некаторыя прапановы беластоцкіх установаў на зімовыя вакацыі.
Будзе забяспечана 13 тысяч месцаў на культурныя мерапрыемствы і 30 тысяч – на спартовыя. Галерэя “Арсенал” прапануе майстар-класы, падчас якіх дзеці зробяць асабістыя сшыткі. Цікавую прапанову падрыхтаваў Цэнтр імя Людвіка Заменгофа. Дзеці з кубікаў LEGO пабудуюць Вялікую сінагогу, якая да вайны стаяла ў Беластоку, кажа дырэктарка Беластоцкага асяродка культуры Гражына Дваракоўская:
– Дзеці могуць стварыць сінагогу паводле ўласнага ўяўлення. Але разам з тым могуць зрабіць звязаныя з сінагогай сімвалы, абапіраючыся на тыя, якія былі ў вітражах вялікай сінагогі.
Зімовыя вакацыі на Падляшшы пачынаюцца 20 студзеня. Усю інфармацыю аб вольных месцах можна знайсці на сайтах гарадскіх установаў.
Лукаш Леанюк, Беларускае Радыё Рацыя, Беласток
Фота bialystok.naszemiasto.pl
Глядзіце таксама
