У Беластоку з’явіцца кальцавая развязка ў гонар Бежанства
Адну з кальцавых развязкак на так званай Генеральскай трасе ў Беластоку назавуць у памяць Бежанства 1915 года.
Так вырашылі сябры Рады горада на апошняй сёлета сесіі. Аўтарам думкі каб увекавечыць беларускіх уцекачоў з тэрыторыяў беласточчыны быў радны ад Форума падляшскіх меншасцяў Славамір Назарук:
— У нашым грамадстве засталася памяць пра гэтыя падзеі, якія моцна звязаныя з жыхарамі Беласточчыны, перш за ўсё з беларусамі, а таксама з украінцамі Холмшчыны і з палякамі з Падляшша, з Мазоўша з Ломжынскай зямлі.
Бежанства — масавая прымусовая эвакуацыя пераважна праваслаўных жыхароў з заходніх губерніяў углыб Расейскай імперыі. З гарадзенскай губерні выехалі тады каля 800 тысяч чалавек.
Лукаш Леанюк, Беларускае Радыё Рацыя
Глядзіце таксама
