У Гайнаўцы ўпершыню прайшоў Фестываль казак
У Гайнаўцы прайшоў І Фестываль казак. Гайнаўскі Фонд на карысць пабудовы адкрытага грамадства «Яны гэта Мы», у гарадскім парку стварыў казачную зону куды мог прыйсці кожны: як дзеткі, так дарослыя, і на нейкі час паглыбіцца ў казачную гульню.
Наталля Герасімюк з фонду «Яны гэта Мы»:
— Казка гэта нешта такое, што дае магчымасць уключыць сваю фантазію і ўяўленне, навучыць і навучыцца дабру. У нашым сур’ёзным жыцці, калі нешта ў нас не ўкладаецца заўсёды можна не тое што ўцячы, але зачарпнуць дабра з казкі.
Фестываль казак гэта не першая ініцыятыва фонду. Ён жа ладзіць агульнапольскі конкурс, пад час якога вязні польскіх турмаў пішуць казкі дзецям. Вынік конкурсу — кніжка ды дыск з казкамі.
[Not a valid template]
Давід Гайко, Беларускае Радыё Рацыя
