У Гайнаўцы вывучаць досьвед Вроцлава, дзе спынілі марш “выклятых жаўнераў “
“Будзем вывучаць досьвед Вроцлава, дзе спынілі марш нацыяналістаў памяці “выклятых жаўнераў “, – кажа бургамістр Гайнаўкі Ежы Сірак.
Бургамістр, які быў назіральнікам шэсця, якое 23 лютага прайшло цэнтральнымі вуліцамі Гайнаўкі з лозунгам “Буры – наш Герой”, не палічыў патрэбным папярэдзіць арганізатараў пра недапушчальнасць ушанавання чалавека, адказнага за злачынствы з прыкметамі генацыду. Гаворыць Ежы Сірак:
– Прааналізуем уласны досьвед гэтага года і досьвед горада Вроцлава, і высновы выкарыстаем у будучым. Калі будзе спроба арганізацыі чарговага маршу, не выключана, што мы таксама прымем спробы блакавання маршу на кожным яго этапе.
Нагадаем, што вроцлаўскі магістрат спыніў марш нацыяналістаў у горадзе , які адбываўся 1 сакавіка і быў прымеркаваны да нацыянальнага свята – Дня “выклятых жаўнераў”. Спярша ў бок арганізатараў былі накіраваныя два папярэджанні за мову нянавісці, затым рашэннем дэлегата ад горада было прынятае рашэнне пра спыненне шэсця.
Валя Лаеўская, Беларускае Радыё Рацыя
Глядзіце таксама
