У Крынках усталююць назіральную вежу
Беларуска-польская мяжа, цяпер мяжа Еўразвязу, пад аховай. Адмысловая назіральная вежа вышынёй 50 метраў будзе ўсталявана ў Крынках.
Канструкцыя ўжо стаіць, чакаецца ўсталяванне адмысловай сістэмы маніторынгу мяжы, дзякуючы якой памежная ахова зможа адсочваць мяжу, кажа прэс-афіцэр памежнай аховы Катажына Здановіч:
– Гэтая вежа будзе функцыянаваць і днём і ноччу, дзякуючы цеплавізійнай сістэме. Вежа ўвойдзе ў сістэму аховы мяжы, якая функцыянуе ўжо каля пяці гадоў.
Гэта ўжо другая вежа ў Падляшскім ваяводстве. Першая была пабудаваная на кантрольна-прапускным пераходзе ў Баброўніках.
Такія назіральныя вежы ўжо працуюць на ўкраінска-польскай мяжы. У планах пабудова такіх вежаў на мяжы з Калінінградскай вобласцю.
Валянціна Лаеўская, Беларускае Радыё Рацыя
Фота radio.bialystok.pl
Глядзіце таксама
