У Латвіі плануюць вярнуць прызыў на вайсковую службу
У Латвіі плануюць вярнуць прызыў на вайсковую службу. Цяперашняя сістэма вайсковай службы ў Латвіі сябе вычарпала, таму цягам пяці гадоў у краіне мае зьявіцца служба абароны краіны. Спачатку яна будзе добраахвотнай, а потым усеагульнай.
Пра гэта 5 ліпеня на прэс-канферэнцыі заявіў міністар абароны Латвіі Артыс Пабрыкс. З 2023 па 2028 год запланаваны пераходны пэрыяд, калі маладыя мужчыны (18-27 гадоў) змогуць служыць на добраахвотнай аснове. Потым служба стане абавязковай, паведамляе delfi.lv. Увядзенне новай сістэмы службы павінен прыняць Саэйма.
Згодна з планам Міністэрства абароны, 1 студзеня 2023 году пачнецца першы добраахвотны прызыў, у рамках якога на службу плануюць прыняць 500 чалавек.
Тэрмін службы складзе 11 месяцаў, у тым ліку адзін месяц адпачынку. Мяркуецца, што прызыўнікі змогуць праводзіць выходныя дома. Заклік будзе праводзіцца два разы на год — 1 студзеня і 1 ліпеня. Студэнты змогуць прайсці службу пасля завяршэння навучання ў ВНУ. Жанчыны могуць падаць заяўку добраахвотна.
