У Орлі вучні дэкламавалі беларускія вершы
На роднай мове дэкламавалі ў Орлі (што на Бельшчыне). У мясцовым Комплексе школ з беларускай дадатковай мовай навучання прайшоў раённы адбор на дэкламатарскі конкурс „Роднае слова”. Свае дэкламатарскія здольнасці прэзентавалі вучні прадшколляў, пачатковых школ, ды гімназій з Бельшчыны.
Любім гэтую асаблівую атмасферу гучання беларускай мовы ў вершах, кажуць удзельнікі конкурсу:
– Знаёмлюся з новымі людзьмі. Вучуся ў пачатковай школе ў Аўгустове.
– Вучуся ў школе ў Орлі. Я чытаю верш Наталлі Арсенневай “Мы моладзь”. Файна, што можам прадставіць сваю родную мову, якую мы ўсе карыстаемся ў хаце.
– Аўтара не ведаю, але назва “Няхай уславіцца Лянота!”. Я са школы №3 у Бельску Падляшскім. Вельмі файна чытаць вершы, бо гэта такі незвычайны конкурс.
Чарговы раённы адбор на дэкламатарскі конкурс „Роднае слова” адбудзецца 21-га сакавіка ў Гайнаўскім доме культуры. Пачатак мерапрыемства ў 9:00.
Галоўнымі арганізатарамі дэкламатарскага конкурсу „Роднае слова” выступілі Беларускае грамадска-культурнае таварыства, ды Таварыства беларускай культуры ў Польшчы.
[Not a valid template]
Мацей Рацінеўскі, Беларускае Радыё Рацыя
