У Польшчу прыбылі больш за 3 мільёны 600 тысяч уцекачоў з Украіны
З пачатку вайны ва Украіне польскія памежныя кантралёры аформілі на пераходах 3 мільёны 613 тысяч украінскіх грамадзян.
Пра гэта ў Твітары паведамляе польская Памежная служба.
За мінулыя суткі з Украіны ў Польшчу прыехала 21 тысяча 700 чалавек. Сёння да 7-ма гадзіны раніцы ў Польшчу з Украіны прыбылі 5 тысяч 900 чалавек. У сваю чаргу з пачатку вайны з Польшчы ва Украіну выехалі адзін мільён 584 тысячы чалавек.
