У Польшчы з 1 снежня ўводзяць новыя антыкавідныя абмежаванні
У Польшчы, у сувязі з новым варыянтам каронавірусу, міністр аховы здароўя ўводзіць больш жорсткія санітарныя абмежаванні.
Новыя абмежаванні павінны дзейнічаць з 1 па 17 снежня. У рэлігійных установах, аб’ектах грамадскага харчавання, гасцініцах і культурных пляцоўках, такіх як кінатэатры, тэатры, оперы ды іншыя, змогуць прымаць не больш наведвальнікаў, чым 50% максімальнай лічбы, а не 75%, як раней. Ліміт у 50 працэнтаў будзе распаўсюджвацца і на такія спартыўныя збудаванні як басейны і аквапаркі. У камерцыйных абʼектах будзе абмежаванне – адзін чалавек на 15 квадратных метраў, а таксама ў спартыўных залах, клубах і фітнес-цэнтрах, музеях, мастацкіх галерэях, кірмашах, выставах, кангрэсах і канферэнцыях.
Міністр аховы здароўя таксама абвясціў аб забароне палётаў у сем афрыканскіх краін, якія лічацца краінамі высокай рызыкі.
Таксама людзі, якія едуць з краін, якія не ўваходзяць у Шэнгенскую зону, у тым ліку і Беларусь, будуць абавязаны прайсці 14-дзённы каранцін, з якога яны змогуць быць вызваленыя на падставе ПЦР-тэсту, праведзенага праз 8 дзён пасля перасячэння мяжы.
Беларускае Радыё Рацыя
