У Супраслі пройдзе “Палітра падляшскіх культур”
Рыхтуецца новае мерапрыемства з удзелам падляшскіх нацменшасцей. У Супраслі пройдзе першы фестываль “Палітра падляшскіх культур”. Сваю кухню, музыку ды танец пакажуць нацменшасці, якія пражываюць на Падляшшы. Выступяць, між іншым, беларускія гурты „Ilo&Friends”, „Ostrov” ды эстрадны калектыў «Прымакі». Заспявае таксама фальклорны калектыў “Жэмэрва”.
Супрасль – гэта дасканалае месца, каб паказаць разнавіднасць культур былога Вялікага Княства Літоўскага, кажа бургамістр Радаслаў Дабравольскі.
– У Супраслі розныя меншасці – нацыянальныя, этнічныя, рэлігійныя – пакінулі свой гістарычны след. Гэта ў Супраслі адкрыты Супрасльскі рукапіс – найстарэйшы здабытак славянскай старацаркоўнай мовы. Тут былі і найстарэйшыя расейскія хронікі, у якіх запісана гісторыя ВКЛ.
Фестываль “Палітра культур Падляшша” пройдзе 18-20 жніўня. Мерапрыемства распачне ў пятніцу канцэрт гуртоў „Ilo&Friends”, „Ostrov”, а таксама польскай зоркі – гурта „ENEJ”.
Лукаш Леанюк, Беларускае Радыё Рацыя, Беласток
Фота bialystok.naszemiasto.pl
Глядзіце таксама
