У ваенным плане сама гарачая кропка – гэта Бахмут
Асноўныя прылёты ракет прыходзяцца бліжэй да ўходу Украіны, тое самае датычыцца частаты паветраных трывог, адключэння электрычнасці. Таму чым далей ад лініі фронту – тым сітуацыя больш стабільная, тым жыццё выглядае больш звычайным, – распавёў ветэран дабраахвотнага батальёну „Донбас”, дзеючы дабраахвотнік 25-га батальёну тэрытарыяльнай абароны Кіеўскай вобласці Юры Дзікі:
– У ваенным плане самая гарачая кропка – гэта Бахмут. Усе манітораць, што там адбываецца. Ці будуць здаваць горад, ці не будуць. Баі там працягваюцца. У «вагнераўцаў» сапраўдная агонія, ідуць у атаку і гінуць сотнямі.
Расейская агрэсія на Украіну цягнецца 389 дзён. На сярэдзіну красавіка чакаецца пастаўка дадатковага сучаснага ўзбраення, што можа паўплываць на стан рэчыў на фронце.
Беларускае Радыё Рацыя
