У Варшаве адбылося пасяджэнне замежнага Сойма Руху Салідарнасці «Разам»
1 ліпеня ў Беларускім доме ў Варшаве адбылося пасяджэнне замежнага Сойма Руху Салідарнасці «Разам». Галоўнае пытанне Сойма – статус палітвязня ў Беларусі.
„Падыход да вызначэння статусу трэба адназначна мяняць”, – кажа сустаршыня Руху салідарнасці Алена Талстая:
– Адной з галоўных задачаў нашага руху ёсць барацьба за вызваленне палітвязняў. Таму галоўныя словы былі менавіта людзям, якія прайшлі рэпрэсіі рэжыму. Было ў нашай залі 23 чалавекі і 22 чалавекі з розных краінаў свету і розных гарадоў далучыліся па скайпу. Праца была плённая.
Сойм цягнуўся 3 гадзіны. Было шмат выступоўцаў. У выніку быў прыняты зварот да праваабаронцаў аб пераглядзе крытэрыяў аб статусе палітвязня. Было прынята рашэнне, як каментаваць лічбы колькасці палітзняволеных у Беларусі.
Цалкам матэрыял слухайце ў далучаным файле:
Беларускае Радыё Рацыя
