Урачыстасці ў гонар Супрасльскай іконы Божай Маці
На Падляшшы пачынаюцца ўрачыстасці, звязаныя з праваслаўным святам Супрасльскай іконы Божай Маці. На заўтрашнія святкаванні з’язджаюцца і прыходзяць паломнікі з усёй Польшчы. Некатрыя ўдзельнічалі ў байдарачным паломніцтве з Гарадка.
Паломніца: Мяркую, што кожнаму, хто плыў разам з намі, вельмі спадабалася.
Архімандрыт Супрасльскага манастыра айцец Андрэй Баркоўскі:
– Мы адчуваем невычэрпны паток божай ласкі, які зыходзіць з цудатворнай іконы Супрасльскай іконы Божай Маці.
Верніца: Прыйшлі памаліцца перад іконай Божай Маці за сям’ю, за сябе, папрасіць здароўя. Тут адчуваецца божая ласка, вяртаемся падмацаваныя на доўгі час.
Мужчынскі манастыр Дабравешчання Багародзіцы з’яўляецца адным з самых вядомых асяродкаў праваслаўнага жыцця ў Польшчы.
Супрасльская ікона з’яўляецца копіяй Смаленскай іконы Божай Маці, якую дараваў манастыру смаленскі епіскап Язэп Солтан у 1503 годзе.
Лукаш Леанюк, Беларускае Радыё Рацыя, Супрасль
Глядзіце таксама
