Уцечка небяспечнага рэчыва ў Беластоку
100 літраў небяспечнага рэчыва выцекла сёння раніцай на адным з участкаў вуліцы Элеваторскай ў Беластоку. На месцы занятыя 7 пажарных атрадаў, паведамляе radio.bialystok.pl.
Адзін з кіроўцаў пабачыў, што з 200-літровай бочкі, змешчанай на паўпрычэпе грузавой машыны, выцякае рэчыва, і паведаміў пажарным. Высветлілася, што гэта небяспечнае рэчыва – вытворная азотнай кіслаты.
Пажарныя вызначылі ахоўную зону радыусам 50 метраў і эвакуявалі кіроўцаў і супрацоўнікаў фірмы. З пашкоджанай бочкі выцекла каля ста літраў небяспечнага рэчыва. На месцы надалей працуюць пажарныя.
Аварыя не ўскладніла дарожнага руху на вуліцы Элеваторскай.
Фота Fotolia.com
Глядзіце таксама
