Уцекачы: Ва Украіне ўсё было добра, пакуль не прыйшлі «вызваліцелі»
Найбольш бежанцаў з Украіны спыніліся ў Польшчы, а гэта ў асноўным жанчыны з дзецьмі. І палякі робяць усё, каб ім дапамагчы. У месцах часовага масавага размяшчэння людзей кормяць, апранаюць, аказваюць медычную і псіхалагічную дапамогу.
Бежанцы з розных гарадоў Украіны аднадушна заяўляюць, што прычына ваеннай агрэсіі Расеі нібыта праз прыцясненне рускамоўных і бясчынствы «бандэраўцаў» – цалкам надуманая:
-Я з Днепрапятроўска. Сёння было тры выбухі. Вельмі страшна.
-Была ў Кіеве. Бачыла выбухі, як стралялі, усё бачыла.
-Усё было добра. Шмат замежнікаў вучыцца і ніхто нікога не прыцясняе.
-Гэта ніякае не выратаванне! Ва Украіне ўсё было добра, пакуль не прыйшлі «вызваліцелі».
-Я з Хмяльніцкага. Я вельмі ўдзячная Польшчы, палякам, якія нам дапамагаюць.
Некаторыя з бежанцаў пакінулі Радзіму ўжо другі раз. Але яны ўпэўнены, што хутка вернуцца дадому, таму што ў іх моцная армія, у якой ваююць іх родныя.
Беларускае Радыё Рацыя
