Велікодны кірмаш у цэнтры Беластока
У цэнтры Беластока разгарнуўся Велікодны кірмаш. На пляцы Касцюшкі свае вырабы прадстаўляюць майстры не толькі з усяго Падляшша, але таксама з Літвы і Беларусі.
Сам кірмаш мае багатыя гістарычныя карані – кажа прадстаўніца арганізатара мерапрыемства, Падляшскага музея ў Беластоку, Барбара Мушынская:
– Мы ўваходзім у гарадскую традыцыю кірмашоў, вядомую яшчэ з часоў Браніцкага, які даў прывілею на правядзенне кірмашоў у горадзе. Кірмашы былі такой шматгадовай традыцыяй.
Вера Пярмінава, майстар па бісерапляценні:
– У мяне і сучасныя вырабы, і вырабы на аснове традыцыйных беларускіх упрыгажэнняў. Вось, напрыклад, шыйныя плеценыя ўпрыгажэнні, як насілі нашыя бабулі.
Кірмаш у Беластоку працуе да 15-ай гадзіны па мясцовым часе. Але гэта толькі пачатак сезону ў сталіцы Падляшша. Бліжэйшы кірмаш пачнецца 23 сакавіка і працягнецца цэлы тыдзень.
[Not a valid template]
Яна Запольская, Беларускае Радыё Рацыя
Фота аўтара
Глядзіце таксама
