Вікінгі, славяне ды балты захапілі Драгічын
Чарговы раз Драгічын на Падляшшы захапілі старажытныя ваяры, рамеснікі і нават вяшчуны. 11-ты раз тут праходзіць злёт вікінгаў, славянаў і балтаў.
У даліне ракі Буг раскінулася вёска гістарычнай рэканструкцыі. Сваё майстэрства часоў ранняга сярэднявечча прэзентуюць кавалі, збройнікі і ганчары. Усе дзеі суправаджае фестываль старажытнай музыкі з удзелам гурта “Яварына” з Беларусі.
Расказвае арганізатар злёту Анджэй Глэмбіцкі:
– Штогод прыязджаюць да нас госці з Берасця, сёлета ёсць прадстаўнікі Менска. На фестываль прыязджаюць з усёй Польшчы.
Удзельніца гурта “Яварына”:
– Рэканструюем народную, сярэднявечную музыку, танцы. Праводзім варштаты. Усе ў захапленні.
Злёт вікінгаў, славянаў і балтаў працягнецца сёння да 17-ай гадзіны. Музыкі з гурта “Яварына” вучаць ахвотных традыцыйным беларускім танцам. Акрамя таго, пройдзе бітва паміж вікінгамі і славянамі.
[Not a valid template]
Лукаш Леанюк, Беларускае Радыё Рацыя, Драгічын
Фота аўтара
Глядзіце таксама
