Вучні спаборнічаюць у веданні царкоўнаславянскай мовы
Бельск-Падляшскі ў гуках царкоўнаславянскай мовы. У праваслаўным прыходзе св. Арханёла Міхаіла адбыўся павятовы конкурс па чытанні на царкоўнаславянскай мове.
Удзел у ім прынялі вучні пачатковых школ, гімназіяў ды ліцэяў. Школьнікі распавялі нам пра свае ўражанні:
– Я чытаю ў царкве, таму для мяне гэта не складана.
– Чытанне на царкоўнаславянскай мове – гэта працяг нашых традыцый.
Сябра камісіі айцец Хрыстафор Вайцяшук: Ровень у залежнасці ад таго, ці гэта пачатковая школа, ці гімназія, або ліцэй, добры. Канешне, ёсць невялікія недахопы. Але царкоўнаславянская мова даецца людзям, якія моляцца.
Камісія аднагалосна вырашыла, што ў наступны этап конкурсу праходзяць усе яго ўдзельнікі.
Цэнтральны агляд конкурсу па чытанні на царкоўнаславянскай мове пройдзе ў красавіку ў Беластоку.
Мацей Рацінеўскі, Беларускае Радыё Рацыя
Фота аўтара
