Вынікі конкурсу “Падляшская мазаіка”
Удзельнікі конкурс запраектавалі кампутарную гульню, якая паказвае шматкультурнае багацце Падляшскага ваяводства. За сваю працу вучні беларускага ліцэя ў Бельску Падляшскім атрымалі першую ўзнагароду ў конкурсе “Падляшская мазайка. У пошуках супольнасці памежжа”.
Дам’ян Сахарчук, Міхал Скарбіловіч, Губерт Сакалоўскі і Давід Шумелюк стварылі праект “Маё Падляшша”.
[Not a valid template]
“Гэта адукацыйная гульня, якая пераносіць нас у розныя месцы ваяводства, між іншым – на праваслаўную Гару Грабарку або ў мячэць у Крушынянах”, – кажа Міхал Скарбілевіч:
– Маем героя, які збірае на Грабарцы часціны іконы. Калі збярэ ўсе часціны, на экране з’яўляецца інфармацыя пра Грабарку і перанасіць нас у наступную лякацыю.
На конкурс “Падляшская мазайка” сёлета даслалі 167 конкурсных працаў з 30-ці школаў. Сярод узнагароджаных працаў былі малюнкі, кароткія фільмы і вершы, якія прадстаўляюць разнастайнасць рэгіёну.
Конкурс супольна з падляшскім куратарам асветы і ваяводскім асяродкам культуры арганізуе дэпутат Сейму Роберт Тышкевіч.
Лукаш Леанюк, Беларускае Радыё Рацыя
Глядзіце таксама
