Якія замежныя студэнты вучацца ў Беластоку?
Як выглядае іх нацыянальная культура і як патрапілі на вучобу ў Польшчу? Пра ўсё гэта можна даведацца на Культурных вечарах арганізаваных Цэнтрам падтрымкі студэнтаў з Усходу.
Тэматычнае мерапрыемства прайшло ў беластоцкай кавярні «У старым кінатэатры». На гэты раз удзельнікі маглі пазнаёміцца між іншым з прэзентацыяй пра Беларусь, якую падрыхтавала Марыя Сербіна з Ліды:
– Я раю прыходзіць на такія вечары – тут пазнаёмішся з іншай культурай, іншымі традыцыямі. Гэта вельмі цікава. Я захапілася гэтым і захацела распавесці пра сваю краіну – пра Беларусь. Навучыць такім падставовым словам: прывітанне, добры дзень, дабранач.
Культурныя вечары разлічаныя так на замежнікаў, якія вучацца ў Беластоку, так і польскіх студэнтаў.
А арганізуе іх Фонд Вакно на Усход.
Ганна Мордань, Беларускае Радыё Рацыя
Глядзіце таксама
