Ян Чыквін сустрэўся з жыхарамі Бельска
У Бельскім доме культуры адбылася сустрэча з цыклу «Твары вядомыя і невядомыя», героем якой стаў вядомы паэт, літаратар ды гісторык літаратуры, старшыня Беларускага літаратурнага аб’яднання «Белавежа» Ян Чыквін.
Ахвотна дзялюся ведамі з зацікаўленымі слухачамі ды чытачамі, кажа прафесар Ян Чыквін:
– Я маю сваю прафесію і таму магу дзяліцца сваім досведам, калі гэта іх цікавіць. Паколькі мілыя майму сэрцу слухачы і чытачы прыходзяць на такія сустрэчы, яны арыентуюцца якое, пытанне мне можна задаць.
У час сустрэчы з цыклу «Твары вядомыя і невядомыя» кіраўнік Культурнага цэнтра Беларусі ў Польшчы Эдуард Швайко ўручыў Яну Чыквіну пасведчанне аб ўзнагароджанні яго паводле ўказу прэзідэнта Рэспублікі Беларусь медалём імя Францыска Скарыны за актыўную дзейнасць у справе папулярызацыі беларускай культуры, літаратуры ды мовы.
Паводле ўказу Міністэрства Культуры Рэспублікі Беларусь таксама ўзнагароджана медалём за ўклад у развіццё культуры Беларусі жонка прафесара – паэтэса Галіна Тварановіч.
[Not a valid template]
Мацей Рацінеўскі, Беларускае Радыё Рацыя
Фота аўтара
Глядзіце таксама
