Ян Максімюк прапанаваў часцей ужываць падляшскі дыялект
Артыкулы ў „Ніве”, перадачы на Беларускім Радыё Рацыя на падляшскім дыялекце. Такая прапанова прагучала падчас прэзентацыі кнігі “Чом не по-своёму” Яна Максімюка ў Беластоку.
Колькасць беларусаў на Падляшшы рэзка змяншаецца з-за асіміляцыі, гэты працэс можна яшчэ прыпыніць вяртаючы сваім дыялектам статус жывой мовы, кажа Ян Максімюк:
– Калі, скажам, даюць датацыю на „Ніву”, ці на радыё і плацяць за журналісцкія пасады, што чалавек там трохі зарабляе, то хопіць, каб з тых пяці журналістаў, якія працуюць, каб хоць адзін перайшоў на сваю мову. Мы не адракаемся ад сваёй мовы – гэта наша нацыянальная мова, але хопіць, каб адзін перайшоў, пачаў пісаць і яму плацілі за тое, што ён піша па-своему. Мне здаецца ёсць у нас такія людзі.
Увядзенне падляшскіх дыялектаў у СМІ можа прыпыніць працэсы асіміляцыі на Падляшшы, лічыць Ян Максімюк.
Кніга “Чом не по-своёму” ўжо з’явілася ў кнігарнях Беластока, Гайнаўкі і Бельску Падляшскім.
Валянціна Лаеўская, Беларускае Радыё Рацыя
