Яўген Скрабутан: Разам мы наблізім час нашага вяртання на Радзіму
Беларускі дом у Варшаве перадаў пацярпелым беларусам з беластоцкага прытулку (шэлтэра) наборы харчовых тавараў і прадметаў гігіены.
Пра мажлівасці дапамогі беларусам расказаў каардынатар праграмы дапамогі Яўген Скрабутан:
– Мы арганізоўвалі медыцынскую дапамогу. Дарэчы, калі камусьці з вас яна патрэбная, то нагадваю, што можна звяртацца ў Беларускі дом. Мы арганізоўвалі выезды ў лагеры для бежанцаў. Гэта зноў жа прыцягвае ўвагу палякаў, дзякуючы якім мы маем магчымасць набываць ежу, аплочваць медыцынскія паслугі для беларусаў, якія зараз знаходзяцца ў цяжкай сітуацыі і ў эміграцыі. Дзякуй вам вялікі!
Акрамя гэтага Беларускі дом у Варшаве перадаў наборы харчовых тавараў і сродкаў гігіены 74 бежанцам-беларусам з цэнтраў для замежнікаў у Белай-Падляшскай, Горбаве, Бязволі і Групе.
Вольга Сямашка, Беларускае Радыё Рацыя, Беласток
