З 1 студзеня аднаўляецца чыгуначнае спалучэнне Беласток-Гайнаўка
З 1 студзеня POLREGIO запускае прамое чыгуначнае злучэнне Беласток – Гайнаўка. Аднаўленне чыгуначнага руху па гэтай лініі пасля 27 гадоў (пасажырапаток быў прыпынены ў 1994 г.) палепшыць сувязь павятовага горада Гайнаўка са сталіцай Падляшша. Зараз чыгуначнае злучэнне паміж Гайнаўкай і Беластокам магчыма кругавым шляхам з перасадкай у Чарэмсе.
Падчас мадэрнізацыі ўчастка Леўкі – Гайнаўка, праведзенай кампаніяй PKP Польскія Чыгуначныя Лініі (PKP Polskie Linie Kolejowe SA), было заменена 27 кіламетраў пуцей, перабудаваны чыгуначныя пераезды, пабудаваны масты і вадаправоды. Існуючыя прыпынкі былі перабудаваны і пабудаваны адзін новы пасажырскі прыпынак – Міклашы, што ў гміне Орля на Бельшчыне.
У адпаведнасці з загадам мясцовага самакіравання Падляшша, са студзеня 2021 года па маршрутах Беласток – Гайнаўка і Гайнаўка – Беласток будзе курсаваць пяць пар цягнікоў POLREGIO і праз Гайнаўку – 1 пара цягнікоў Беласток – Седльцы і Седльцы – Беласток. Таксама будзе дзве пары цягнікоў Бельск- Падляшскі – Гайнаўка і Гайнаўка – Бельск-Падляскі, якія будуць злучаны ў Бельску-Падляшскім цягнікамі з Беластока – Чарэмха – Беластока. У цэлым гэта дае восем злучэнняў Беластока – Гайнаўкі і восем з Гайнаўкі ў Беласток.
Па маршрутах будуць курсаваць чыгуначныя аўтобусы (шынобусы), з хуткасцю да 100 км у гадзіну. Час у шляху 76-кіламетровага маршруту з Беластока ў Гайнаўку складзе максімум 1 гадзіну 30 хвілін.
Беларускае Радыё Рацыя
Глядзіце таксама
