З кнігай пра Беларусь на занятках „Літаратура на паграніччы”
Студэнты паланістыкі адкрываюць для сябе Беларусь праз кніжку Ганны Кандрацюк-Свярубскай „Беларусь. Каханне і маразм.” У рамках заняткаў „Літаратура на паграніччы” ва ўніверсітэце ў Беластоку прайшла сустрэча з вядомай беларускай рэпарцёркай. Яе ініцыятарамі былі самі студэнты польскай філалогіі, якія адзначылі, што кніжка адкрыла многа дагэтуль невядомых фактаў.
– Упершыню сутыкнулася з такой літараурай, з такім відам рэпартажу пра Беларусь. Мне ўяўлялася раней, калі аўтары пішуць рэпартажы, то на іншыя тэмы.
– Тут два погляды на Беларусь. Першая Беларусь – якую мы ведаем з поп-культуры. А другая Беларусь – з яе праблемамі: палітычнымі, нацыянальнымі. Уражвае гэта.
Альжбета Дамбровіч, прафесар: Калі паглядзець у люстэрка, то можна ўбачыць пэўнае падабенства, якое вынікае з агульнага мінулага. Бо ў кнізе аўтарка звяртаецца да традыцыяў Вялікага княства Літоўскага. На Беласточчыну можна таксама паглядзець у такі спосаб.
Ганна Кандрацюк-Свярубская: Спачатку я мела сустрэчы ў Варшаве, у Познані. Адтуль таксама маю такія весткі, што чытаюць кнігу студэнты ўсходніх напрамкаў. А ў Беластоку гэтую кнігу я прэзентую ўпершыню.
Кніга Ганны Кандрацюк-Свярубскай „Беларусь. Каханне і маразм” выйшла на польскай мове ў 2013 годзе ў выдавецтве „Суседзі”. Большасць тэкстаў рэпартажаў раней друкаваліся ў тыднёвіку беларусаў у Польшчы „Ніва”. Цяпер на яго старонках друкуюцца рэпартажы аўтаркі пра ўкраінскае Палессе.
[Not a valid template]
Уля Шубзда, Беларускае Радыё Рацыя
Фота аўтаркі
Глядзіце таксама
