З-за каронавіруса адмянілі беларускія мерапрыемствы на Падляшшы
Усе культурніцкія ўстановы ў Польшчы на два тыдні спыняюць працу ў сувязі з каронавірусам.
Таксама адменены беларускія дэкламатарскія і тэатральныя конкурсы для дзяцей і моладзі, кажа намеснік старшыні Беларускага грамадска–культурнага таварыства Васіль Сегень:
– Іншага выйсця не было, як толькі адкласці правядзенне конкурсаў нашых раённых элімінацый у Беластоку і цэнтральных – у Бельску. Калі сітуацыя выправіцца – трэба спадзявацца, што яна выправіцца праз нейкі час, тады будзем завяршаць гэты конкурс. А зараз сітуацыя такая, што адмянілі і правядзенне 18-га сакавіка ў Беластоку, і 25-га – у Бельску.
Дэкламатарскі конкурс для дзяцей і моладзі „Роднае слова” мае адбыцца ўжо 49 раз запар.
Уля Шубзда, Беларускае Радыё Рацыя
