За пасаду бургамістра Бельска Падляшскага змагаюцца тры беларусы
Ужо сёння можна сказаць, што выбары бургамістра Бельска Падляшскага пройдуць ў два туры.
За пасаду змагаюцца тры беларусы. Кандыдат ад сацыял-дэмакратаў – цяпер радны павету і дырэктар Бельскага асяродка сацыяльнай дапамогі Анатоль Васілюк, кандыдат ад Бельскай кааліцыі і выконваючы абавязкі бургамістра Яраслаў Бароўскі ды цяперашні віцэ-маршалак Падляшскага ваяводства Валянцін Карыцкі.
“Спробы дамовіцца паміж кандыдатамі ўжо былі, але няўдалыя”, – кажа Васіль Ляшчынскі ад Бельскай кааліцыі.
– Былі размовы, у якіх я прымаў удзел. Мне баліць, калі ўлада аддае месцы сваім людзям і пры гэтым гаворыць, што конкурс будзе.
Апрача трох беларусаў за пасаду бургамістра будуць змагацца Рамуальд Марганьскі ад “Нашэго Падляся” і былы віцэ-бургамістр Бельску Ян Радкевіч з партыі Права і Справядлівасць.
Гэтыя кандыдаты пакуль яшчэ не зарэгістраваныя. Рэгістрацыя кандыдатаў на бургамістра да 16 кастрычніка. Мясцовыя выбары ў Польшчы пройдуць 16 лістапада.
Валянціна Лаеўская, Беларускае Радыё Рацыя
Глядзіце таксама
