ЗША ўзброяць украінскае войска
ЗША акажуць дапамогу Міністэрству абароны Украіны, Дзяржаўнай памежнай службе і Нацыянальнай гвардыі на суму 60 мільёнаў даляраў.
Пра гэта напісаў у Twitter амбасадар ЗША ва Украіне Джэфры Пайэт. ЗША таксама акажуць дапамогу Міністэрству абароны Украіны ў мадэрнізацыі абаронных структур, кіберабароны і лагістыцы.
We’ve announced $60 million in support for the Ukrainian Ministry of Defense (MOD), State Border Guard Service, and the National Guard.
— Geoffrey Pyatt (@GeoffPyatt) 6 сентября 2014
„Пастаўкі плануецца ажыццяўляць да канца 2014 года”, – удакладняе Белы дом.
Як вынікае з заявы, апублікаванай на сайце Белага дома, ЗША маюць намер даваць украінскай уладзе рэкамендацыі ў галіне ваеннага будаўніцтва, кібербяспекі, лагістыкі і стандартызацыі.
На сайце Белага дома таксама адзначаецца, што ЗША распрацоўваюць планы падтрымкі іншых краін – Малдовы і Грузіі.
З 16 па 26 верасня на тэрыторыі Украіны пройдуць сумесныя ваенныя вучэнні Узброеных сіл Украіны з сіламі Злучаных Штатаў Амерыкі.
