Актывісты БХД віншавалі жанчын з Днём маці на вуліцах Менску
Аргкамітэт па стварэнні партыі „Беларуская хрысціянская дэмакратыя” віншуе ўсіх жанчын Беларусі з Днём маці. Актывісты БХД каля сталічнага ўнівермага „Беларусь” раздавалі жанчынам кветкі.
Адзначае адказны сакратар аргкамітэту БХД Дзяніс Садоўскі:
– Беларуская хрысціянская дэмакратыя, для якой сям’я, сямейныя каштоўнасці – гэта аснова нашай дзейнасці. Маці – гэта аснова сям’і. І мы віншуем беларускіх жанчын з Днём маці. Дорым жанчынам паштоўкі і кветкі.
Дзень маці ў Беларусі сёлета прымеркаваны да праваслаўнага свята Пакрова Прасвятой Багародзіцы.
Беларускае Радыё Рацыя. Паводле БелаПАН.
Глядзіце таксама
