Дні сучаснага мастацтва ў Беластоку
Мастакі з цэлага свету і выдатныя мерапрыемствы – усё гэта чакае наведвальнікаў беластоцкіх Дзён сучаснага мастацтва, якія пачынаюцца 26 траўня. 30-е, юбілейнае, выданне фестываля багатае шэрагам тэатральных, музычных ды танцавальных імпрэзаў. У Беласток прыедуць вулічныя артысты з Беларусі, Бельгіі, Італіі і нават з Японіі.
Як адзначыла каардынатарка фестывалю Анна Лушчынская, у час Дзён сучаснага мастацтва адбудуцца таксама мерапрыемствы, накіраваныя на дзяцей і іх бацькоў:
– Гэта будуць сустрэчы, варштаты і спектаклі спецыяльна для ўсёй сям’і, а таксама для наймалодшых дзяцей.
Квіткі на ўсе мерапрыемствы можна ад сёння набыць у касе Беластоцкага асяродка культуры. Больш інфармацыі можна знайсці на сайце фестывалю dsw.bialystok.pl.
Уля Шубзда, Беларускае Радыё Рацыя, Беласток
Фота bok.bialystok.pl
Глядзіце таксама
