Школьная акцыя ў падтрымку роднай мовы
У Слонімскай сярэдняй школе № 10 праходзіць акцыя ў падтрымку роднай мовы. Яна называецца «Далучы сваю далонь».
У школе настаўнікі і вучні выставілі вялікі стэнд. Яго ўпрыгожылі ручнікамі, а на стэндзе прымацавалі словы: «Калі ты за тое, што кожны беларус павінен ведаць сваю родную мову, то далучы сваю далонь да нашых, падтрымай родную мову».
Вучні і настаўнікі з каляровай паперы павыразалі свае далонькі і, хто не раўнадушны да роднай мовы, наклейвалі іх на стэнд. Ахвотных у першы дзень было столькі, што нават узнікла чарга…
Барыс Баль, Беларускае Радыё Рацыя, Слонім
