Асенняя Любча – новыя рысы замку
Восень – самая пара прыязджаць у Любчу, мясцовы замак у гэтую пару чамусьці асабліва рамантычны. Наведваючы мясціну раз у год, заўсёды заўважаеш нейкія змены ў абліччы замку і наваколлі.
Зусім нядаўна перад уваходам у замак з’явіліся вялікі камень і дзе інфармацыйныя табліцы – адна з іх расказвае пра старажытную Любчу, іншая – уласна пра сам замак.
Працягваецца і рэканструкцыя самога замку. Ужо пачалося аднаўленне сцяны з боку брамы, якая глядзіць на само мястэчка. Пра Любчанскі замак не трэба шмат пісаць. Лепш ехаць туды, хадзіць і любавацца гэтымі мурамі, Нёманам, навакольнымі краявідамі.
[Not a valid template]
Уладзімір Хільмановіч, Беларускае Радыё Рацыя, фота аўтара
