Аўгустаў, або польская „Венецыя”
«І зоркай растваруся
У возеры на міг –
Нібы зноў павярнуся
Да прашчураў сваіх…»
Гаворка пойдзе пра Аўгустаў, што на Падляшшы.
[Not a valid template]
Гэта невялікі ўтульны гарадок, які смела можна назваць азёрным курортам гэтага рэгіёна. Яго асаблівасцю з’яўляюцца якраз азёры, вядомы Аўгустоўскі канал, лясы і чыстае паветра – усё тое, чаго так не хапае ў штодзённым гарадскім жыцці…
Аўгустаў размешчаны паміж азёрамі Нэцка, Белае, Студзенічна і Сайна ды з трох бакоў акружаны лесам. Мабыць, менавіта маляўнічая прырода і надае гэтаму месцу ўнікальны характар і штогод прыцягвае натоўпы турыстаў.
Сваім наведвальнікам Аўгустаў прапануе самыя розныя варыянты правядзення вольнага часу – ад актыўных відаў спорту да спакойных шпацыраў вакол возера.
[Not a valid template]
Тут ёсць шмат кафэ і рэстаранаў, дзе можна і трэба паспрабаваць мясцовую кухню, а перад усім стравы з азёрнай рыбы, выбар якой таксама багаты.
[Not a valid template]
Падаецца, калі хоць аднойчы камусьці давядзецца пабываць у Аўгустове, то той, несумненна, вернецца дадому са светлым успамінам пра гэты дзівосны куток Падляшша.
Беларускае Радыё Рацыя
