«Белавія» спыняе палёты ў Будапешт, Талін, Рыгу, Ашхабад, Алматы
Авіякампанія «Белавія» працягвае прыпыненне рэйсаў ва ўсе пункты Расеі (акрамя маскоўскага аэрапорта Дамадзедава) па 31 студзеня 2021 года, паведамляе сайт перавозчыка.
У Талін «Белавія» не будзе лятаць да 31 снежня. Палёты ў Ашхабад не будуць выконвацца да 1 студзеня, у Рыгу — да 31 студзеня 2021 года. Акрамя таго, да 27 сакавіка 2021-га не будзе рэйсаў у Будапешт і Алматы.
Вярнуць грошы за адмененыя рэйсы або змяніць даты вылету можна да 30 сакавіка 2021 года.
