Дзеці з Падляшша адпачываюць у „Зубронку”
На тэрыторыі Нацыянальнага дзіцячага адукацыйна-аздараўленчага цэнтра „Зубронак” абсталяваны стадыён, спартовыя пляцоўкі для баскетбола і валейбола, а таксама праводзяцца культурна-забаўляльныя ды спартовыя мерапрыемствы.
Цэнтр месціцца над возерам Нарач і мае шырокі спектр аздараўленчых паслуг:
– Мне найбольш спадабалася ванна з хвойным алеем. Найбольш дапамог водны масаж. Было добра. Не пасмакаваў кактэйль.
– Мне таксама не пасмакаваў. Гарбата была вельмі смачная.
– Мне найбольш спадабаўся бездатыковы масаж.
– Файна было ў пакоі ароматэрапіі.
– Мне найбольш спадабаліся лячэбныя ванны і кактэйль з гранатным сокам.
– Мне спадабаўся масаж.
– Мне ўсё спадабалася акрамя кактэйлю.
Дзеці наведаюць малую радзіму Максіма Танка, а ўвечары адбудзецца развітальны баль.
Уля Шубзда, Беларускае Радыё Рацыя
