Еўрадэпутат ад Літвы заклікае абмежаваць перамяшчэнне на мяжы з Беларуссю
Еўрадэпутат ад Літвы Пятрас Аўштравічус, прадстаўнік ліберальнай партыі, лічыць, што неабходна абмежаваць перамяшчэнне на мяжы з Беларуссю.
Як паведаміла LRT, ён выступіў за тое, каб абмежаваць уезд у Літву беларусам, як гэта зроблена ў адносінах да расейцаў, а таксама скараціць магчымасці для выезду ў Беларусь для літоўцаў.
Такім чынам еўрадэпутат адрэагаваў на візіт Уладзіміра Пуціна ў Менск, які адбыўся 19 снежня.
На думку Аўштравічуса, на беларусаў павінны распаўсюджвацца тыя ж абмежаванні пры ўездзе, што і на жыхароў Расеі, выключэнні дапушчальныя толькі для тых, хто ратуецца ад пераследу, палітычных актывістаў ці апазіцыі.
У МУС Літвы адказалі, што ў адносінах да грамадзян Беларусі ўжо дзейнічаюць абмежаванні, напрыклад, скарочана выдача віз, а на мяжы праводзяцца дадатковыя праверкі.
