Гацькі (Haćki) – мясцовасць, якая мае шмат таямніцаў
Гацькі (па-польску Haćki) – вёска ў Бельскім павеце Падляшскага ваяводства.
Тут есць катлавіна, якая паўстала ў выніку таяння ледавіка. У катлавіне знаходзяцца прыродныя ўтварэнні – валы і ўзгоркі. Пасярэдзіне катлавіны два ўзгоркі адзін з іх мае назву Замак, другі – Бэтлаг. Абодва ўзгоркі – ўтварэнні геалагічныя
– Я ва ўсіх пытаю: што такое Бэтлаг. Ніхто даклана не ведае… Прыйшлі да высновы, што гэта нешта круглае. А можа было ў Гацьках у старажытнасці паселішча з такой назвай”, – гаворыць старшыня таварыства “Гай” Янка Мордань:
– Раней шмат навукоўцаў – і археолагаў, і батанікаў – прыязджалі і даследвалі гэтую мясцовасць, але не было супрацы паміж навукоўцамі і мясцовым насельніцтвам. Каб наладзіць гэтае супрацоўніцтва паўстала Таварыства “Гай”.
Таварыства “Гай” было зарэгістраванае ў 1999 годзе, а пачало стварацца ў 1997 годзе. Таварыства “Гай” мае сваю гаспадарку і адмысловых авечак, якія пасвяцца і пераносяць на сваёй воўне насенне.
Гацькі – геалагічнае ўтварэнне, якое мае і адпаведны мікраклімат. Паміж двума ледавікамі на гэтым месцы было халоднае возера, а пасля ледавіка на месцы возера паўстала месца, зручнае для пасялення людзей.
У Гацьках неверагодная разнастайнасць раслін – тут ёсць расліны, якія растуць на багнах, і разам з тым ёсць расліны, якія растуць у пустэльнях. Есць расліны, якія растуць у Амерцы і Італіі.
“У Гацьках унікальны мікраклімат”, – гаворыць Янка Мордань:
– Калі зямля награваецца сонцам, то цяпло не разыходзіцца, бо тут катлавіна. Я ішоў аднойчы ўвечары – і як бы прарваў нябачную заслону, дзе быў пар і трапіў у цяпло. Дзякуючы гэтаму мікраклімату тут растуць паўднёвыя расліны. Гэтае месца мае шмат таяміцаў.
Жывуць тут і рэдкія звяркі, сярод іх грызун – белазубка белабрухая.
Гацькі – мясціна цікавая ў рознае надвор’е.
Але па словах Янкі Морданя найпрыгажэйшы час тут – чэрвень-пачатак ліпеня.
А містычна настроеныя людзі перакананыя, што тут знаходзіцца „месца сілы”.
Паліна Сцепаненка, Беларускае Радыё Рацыя
Глядзіце таксама
