Грэцыя адкрыла пляжы для наведвання на асаблівых умовах
Гэтая курортная краіна адкрыла свае пляжы на фоне паслаблення каронавірусных абмежаванняў у рамках падрыхтоўкі да вяртання замежных турыстаў на наступным тыдні, паведамляе Reuters.
У адпаведнасці з дзеючымі мерамі, менеджэры пляжных зон павінны будуць размясціць парасоны на адлегласці не менш за чатыры метры, праводзіць рэгулярную дэзінфекцыю і правяраць супрацоўнікаў пляжных бараў і іншы персанал на COVID-19.
Музеі адкрыюцца на наступным тыдні да адмены абмежаванняў на паездкі для вакцынаваных замежных наведвальнікаў 15 траўня.
