Ліштвы вуліцы Шпітальная ў Гомелі
Вуліца Шпітальная знаходзіцца ў цэнтры Гомеля, адразу за цыркам.
Раней Шпітальная перакрыжоўвалася з Савецкай, але будаўніцтва цырка ў 1972 годзе фактычна схавала вуліцу ад цікаўных вачэй.
Да рэвалюцыі і да Другой сусветнай вайны Шпітальная была галоўнай вуліцай раёну, які называўся „Каўказ”. Раён меў не самую добрую рэпутацыю, лічылася, што жыве ў ім шмат небагатых людзей, якія блізкія да крымінальнага свету.
На Шпітальнай сапраўды было шмат дамоў, якія не мелі нават падмурка.
Але былі на Шпітальнай і дамы заможных гаспадароў з ліштвами з багатыми „каронамі” і супрацьпажарнымі цаглянымі сценамі.
Цяпер вуліца Шпітальная ўражвае сваёй старасвецкасцю і цэльнасцю – сюды пакуль што не дабраліся новабудоўлі.
З вуліцы Шпітальнай можна сыйсці з гары на яшчэ адну гістарычную вуліцу Гомеля – Падгорную.
Беларускае Радыё Рацыя
Глядзіце таксама
