Казачны замак Людвіка ІІ Баварскага
Замак казачнага караля Людвіка ІІ Баварскага – мара кожнага турыста. Каб убачыць гэты архітэктурны твор, штогод выпраўляецца 1,3 мільёна наведнікаў. Сярод іх – беларусы.
Для пабудовы гэтага цуда дойлідства Людвікам ІІ былі выбраны прыродныя дэкарацыі цудоўнай пекнаты – рассечаныя праселінамі скалістыя верхавіны, клякочучыя пералівы горнае ракі і люстравая роўнядзь вазёраў.
Дабудаваны замак быў у 1883 годзе. Нойванштайн, перакладаецца, як Новы лебедзіны камень, як ніводзін іншы архітэктурны твор ўвачавідкі дэманструе мары ды імкненні гэтага „казачнага” караля. Бо замысліўся ён не як арэна дэманстрацыі каралеўскай улады, а як ціхае, зацішнае месца, сваеасаблівы прытулак для самотніка. Менавіта тут Людвік ІІ паглыбляўся ў свет сваіх фантазіяў і мрояў – паэтычны свет Сярэднявечча.
[iframe id=”https://www.youtube.com/embed/Kdqy0MOPhek”]
Узведзены і аформлены ў стылі сярэднявечных формаў, але насычаны паводле апошніх тэхнічных вынаходак ХІХ стагоддзя (адзінае, што кароль забараніў у замку мець электрычнае святло), Нойшванштайн уяўляе вялікае дзіва архітэктурных узораў гістарызма.
Турысты не могуць у самім замку рабіць фота і відэаздымкі. Гэты недахоп запаўняюць сувенірныя крамы.
Макет замка Нойшванштайн.
На такім экіпажы можна даехаць да замка ў гару.
Якуб Сушчынскі, Нойшванштайн, Баварыя
Глядзіце таксама
