Палац Бухгольца ў Супраслі
Палац Бухгольца быў пабудаваны ў 1892-1903 гадах у стылі, які можна ахарактарызаваць як эклектычны з элементамі неарэнесансу і мноствам упрыгожванняў у стылі мадэрн.
Палац узведзены па праекце невядомага архітэктара для Адольфа Бухгольца-малодшага. Яго бацька, таксама Адольф, прыехаў з Лодзі ў Супрасль у 1837 годзе, каб пабудаваць на рынкавым пляцы невялікую фабрыку па вытворчасці тканін.
Першапачаткова гэта быў невялікі палац, размешчаны недалёка ад фабрыкі, які пазней быў пашыраны за кошт дадання бакавога крыла і вежы з заходняга боку. Пры гэтым былі зменены інтэр’ер і экстэр’ер палаца.
Пасля Другой сусветнай вайны палац прызначаўся для сярэдняй адукацыі. У 1959 годзе палац быў перададзены Мастацкай вучэльні.
Беларускае Радыё Рацыя
