Першы квэст у Батумі: перамаглі беларусы
Першы гарадскі пешы квэст у сталіцы грузінскай Аджарыі адбыўся 10 снежня 2021 года. Камандай пераможцай стала пара з Беларусі з Менску.
Пра гульню распавядае Ігар, прадстаўнік каманды пераможцаў:
– Мы паглядзелі, пазнаёміліся лепш з горадам. Былі, канешне, нейкія складанасці з-за батумскіх вуліц, таму што не ўсюды яны прыстасаваныя да бегу. Красоўкі мы свае дакладна загубілі, але вельмі цікава было паглядзець на незвычайныя месцы ў Батумі. Мы нават даведаліся, што тут ёсць дзве чырвоныя будкі. Грэцкага алфавіту крыху даведаліся, таму што “тэ” аказалася “зэтай”. Вось гэта паварот!
Пад час гульні трэба было наведаць пяць кропак і разгадаць заданні на логіку і ўважлівасць. Наступны квэст у Батумі плануецца праз тыдзень.
Беларускае Радыё Рацыя
Фота Сяргея Апановіча
