Рэжым НС уведзены па ўсёй Японіі
Прэм’ер-міністр Японіі Сіндза Абэ 16 красавіка пашырыў рэжым надзвычайнай сітуацыі, раней уведзены ў асобных прэфектурах, на ўсю тэрыторыю краіны.
Такое рашэнне прынята, каб не дапусціць далейшага распаўсюджвання каранавіруса новага тыпу, паведамляе японская газета Mainichi Shimbun.
Цяпер рэжым НС, які дзейнічае да 6 мая, ахоплівае ўсе 47 прэфектур з насельніцтвам амаль 126 млн чалавек.
Як паведамлялася, з 8 красавіка ў прэфектурах Токіа, Канагава, Сайтама, Ціба, Осака, Хёга і Фукуока пачаў дзейнічаць рэжым НС. Пазней ён быў распаўсюджаны на прэфектуры Айці, Ісікава, Фукуа і Хакайда.
Рэжым НС у Японіі не прадугледжвае якіх-небудзь строгіх абмежавальных мер, улады толькі просяць людзей максімальна магчымы час знаходзіцца дома. Разам з тым закрыліся многія сацыяльныя аб’екты і забаўляльныя ўстановы. Пасля ўводу рэжыму НС кожны губернатар прэфектуры атрымлівае права экспрапрыіраваць прыватныя землі і будынкі для аказання медыцынскай дапамогі. Таксама ўлады могуць рэквізіраваць медыцынскія тавары і прадукты харчавання ў кампаній, якія адмаўляюцца іх прадаваць.
Агульная колькасць пацверджаных выпадкаў заражэння новым каранавірусам у Японіі перасягнула 9 тыс. Колькасць смяротных зыходаў набліжаецца да 200.
З пачатку пандэміі каранавірусам у свеце заразіліся звыш 2 млн чалавек, амаль 140 тыс. памерлі.
Фота Kyodo
